آپ آف لائن ہیں
جمعہ13؍ رجب المرجب 1442ھ 26؍فروری2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

زلمی کی جانب سے اچھی کارکردگی دکھانے کو تیار ہوں، روی بوپارہ

انگلینڈ سے تعلق رکھنے والے پشاور زلمی کے آل راؤنڈر روی بوپارہ کا کہنا ہے کہ وہ پی ایس ایل 6 میں زلمی کی جانب سے اچھی کارکردگی دکھانے کو تیار ہیں۔

روی بوپارہ نے کہا کہ پشاورزلمی پاکستان سپر لیگ میں ہمیشہ ایک سخت حریف ثابت ہوتی رہی ہے اور اس بار ان کی جانب سے کھیلنا پرجوش ہوگا۔

انگلش آل راؤنڈر کا مزید کہنا تھا کہ پی ایس ایل 6 کے لیے پشاور زلمی کی ٹیم بہت متوازن ہے، کپتان وہاب ریاض ، شعیب ملک، کامران اکمل اور دیگر کھلاڑی ٹی ٹوئنٹی کا اچھا تجربہ رکھتے ہیں۔

انہوں نے کہا کہ انٹر نیشنل ٹی ٹوئنٹی کھیلنے والے پاکستانی اور غیر ملکی کھلاڑیوں سے ملاقات کرکے بھی اچھا لگ رہا ہے۔

روی بوپارہ نے کہا کہ دو سے تین دن کا کورانٹین آسان نہیں ہوتا لیکن اب پوری توجہ ٹورنامنٹ میں اچھی کارکردگی دکھانے پر مرکوز ہے۔

کھیلوں کی خبریں سے مزید