اورنگی ٹاؤن، مکان میں دھماکا، 4 بچوں سمیت 8 افراد زخمی

کراچی (اسٹاف رپورٹر)اورنگی ٹاؤن میں واقع مکان میں زور دار دھماکے نتیجےمیں مالک مکان 4 بچوں اور خاتون سمیت 8 افراد زخمی ہوگئے جبکہ مکان اور دکان ملبے کا ڈھیر بن گئی،اطلاع ملنے پر پولیس اور ریسکیو عملہ موقع پر پہنچ گیا،پولیس نے بم ڈسپوزل اسکواڈ کو طلب کرلیا، پولیس کے مطابق ابتدائی معلومات پر پتہ چلا ہے کہ دھماکا شارٹ سرکٹ اور ٹنکی میں بننے والی گیس کے نتیجے میں ہوا۔ بم ڈسپوزل اسکواڈ کے مطابق گھر کا مالک مجید جھلس کر جبکہ پڑوسی مکان گرنے سے شدید زخمی ہوگیازخمیوں کو اسپتال منتقل کر دیا گیا۔