آپ آف لائن ہیں
بدھ یکم رمضان المبارک 1442ھ14؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

رمضان سے قبل ہی ملک میں چینی کی قلت شدید ہو گئی


رمضان سے پہلے ہی ملک میں چینی کی قلت شدید ہوگئی، ملک بھر کے یوٹیلٹی اسٹورز پر 2 روز سے چینی غائب ہے، چینی کی دستیابی میں دو ہفتے مزید لگ سکتے ہیں۔

ذرائع کے مطابق شہری کھلی مارکیٹ سے 30 سے 35 روپے مہنگی چینی خریدنے پر مجبور ہیں، یوٹیلٹی اسٹورز پر چینی کی قیمت 68 روپے فی کلو مقرر ہے۔

ذرائع یوٹیلٹی اسٹورز کا کہنا ہے کہ ملک بھر کے یوٹیلٹی اسٹورز پر گزشتہ2 روزسے چینی نہیں ہے، یوٹیلٹی اسٹورز حکام کو آئندہ 7 روز تک چینی نہ ہونےکا بتایا گیا ہے۔


یوٹیلٹی اسٹورز کارپوریشن کےپاس اس وقت چینی موجود نہیں، یوٹیلٹی اسٹورز مقامی سطح پر چینی خریدنے میں ناکام رہا تھا، یوٹیلٹی اسٹورز نے چینی کی خریداری کیلئے 6 ٹینڈر جاری کیے۔

ذرائع یوٹیلٹی اسٹورز کا کہنا ہے کہ چھٹے ٹینڈر پرصرف 20 ہزار میٹرک ٹن چینی کا سودا ہوسکا، مقامی سطح پر خریدی گئی چینی کی دستیابی میں مزید ایک سے دو ہفتے لگ سکتے ہیں، ٹی سی پی یوٹیلٹی اسٹورز کی جانب سے درآمدی چینی کا ٹینڈر 2 مارچ کو کھولے گا۔

ذرائع کے مطابق درآمدی چینی کا سودا ہونے کے بعد بھی چینی کی دستیابی میں دو ہفتے لگ سکتےہیں۔

تجارتی خبریں سے مزید