آپ آف لائن ہیں
منگل7؍رمضان المبارک 1442ھ 20؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

سعودیہ سے تعلقات اہم، انسانی حقوق کی خلاف ورزیوں پر جوابدہ بنائینگے، امریکا

واشنگٹن (جنگ نیوز )امریکا نے سعودی عرب سے تعلقات کو اہم قرار دیتے ہوئے کہا ہے کہ ریاض کے ساتھ تعلقات اہم ہیں تاہم انسانی حقوق کی خلاف ورزیوں پر جوابدہ بھی بنائیں گے، اے ایف پی کے مطابق جمعے کو امریکی صدر بائیڈن نے کہا کہ ہم انسانی حقوق کی خلاف ورزیوں پر سعودی عرب کا احتساب کرنے جارہے ہیں۔

تفصیلات کے مطابق امریکی وزیر خارجہ اینٹنی بلنکن نے باور کرایا ہے کہ واشنگٹن اب بھی سعودی عرب کے ساتھ تعلقات کا مصمم ارادہ رکھتا ہے۔جمعے کے روز جاری بیان میں ان کا کہنا تھا کہ "امریکا مملکت کے امن کے دفاع کا پابند رہے گا"۔

بلنکن نے واضح کیا کہ "سعودی عرب کے ساتھ ہمارا تعلق بہت اہم ہے اور ہمارے مشترکہ مفادات بڑے ہیں"۔بلنکن کا یہ بیان سعودی صحافی جمال خاشقجی کے قتل سے متعلق وائٹ ہاؤس کی رپورٹ کانگریس میں پیش کیے جانے کے بعد سامنے آیا ہے۔

وائٹ ہاؤس نے جمعرات کے روز تصدیق کی تھی کہ امریکی صدر جو بائیڈن نے سعودی فرماں روا شاہ سلمان بن عبدالعزیز کو یقین دہانی کرائی ہے کہ "امریکا مملکت کے امن کے دفاع کا پابند ہے"۔

وائٹ ہاؤس کے مطابق بائیڈن اور شاہ سلمان کے درمیان یمن میں جنگ کے پُر امن خاتمے کا معاملہ زیر بحث آیا۔دونوں شخصیات نے ٹیلی فون پر بات چیت کے دوران میں سعودی عرب اور امریکا کے بیچ تعلق کی گہرائی کو باور کرایا۔ 

ساتھ ہی دونوں ملکوں کے درمیان شراکت داری کو مضبوط بنانے کی اہمیت پر بھی زور دیا گیا تا کہ یہ دونوں کے مفاد میں کام آئے اور خطے اور دنیا میں امن و استحکام کو یقینی بنایا جا سکے۔

اہم خبریں سے مزید