کراچی جلسہ شہر میں امن کے حوالے سے سنگ میل ثابت ہوگا، مرزا فیصل محمود

لندن( پ ر) پاک سرزمین پارٹی برطانیہ کے سنیئر نائب صدر مرزا فیصل محمود نے پی ایس پی کراچی جلسہ کے کامیاب انعقاد پر پاک سرزمین پارٹی کے چیئرمین سید مصطفیٰ کمال ، صدر انیس قائم خانی سمیت سنٹرل کمیٹی ،تمام کارکنان، پوری پاکستانی قوم خصوصاً پختونوں کو مبارکباد دیتے ہوئے کہا اب کوئی مائی کا لال پاکستانیوں میں نفاق نہیں ڈال سکتا۔ پختونوں کے اعزاز میں کراچی جلسہ ایک اھم سنگ میل ثابت ہو گا جس محبت،بھائی چارےاور امن کو دیکھنے کے لئے کراچی کی عوام نے 40 برس انتظار کیا پاک سرزمین پارٹی کی 5 سالہ تحریک رنگ لے آئی ہے ۔35 سال اس شہر قائد میں آگ اور خون کا بازار گرم تھا۔ مصطفی کمال اور انیس قائم خانی کے نظریہ نے لسانیت میں بٹی ہوئی قوم کو سیسہ پلائی ہوئی دیوار بنا دیا ۔اب قوم 3 مارچ کو شکرانے کے نفل پڑھے اور اللہ تعالیٰ کے حضور دعائیں مانگے شہر قائد میں جو امن کی فضا بنی ہے وہ اسی طرح قائم رہے