وفاقی وزراء کی پریس کانفرنس میں شہباز گل پر جوتے، سیاہی پھینکنے کا تذکرہ

15 مارچ ، 2021

وفاقی وزراء نے وزیراعظم عمران خان کے معاون خصوصی برائے سیاسی ابلاغ شہباز گل پر جوتے اور سیاہی پھینکنے کے واقعے کو افسوس ناک قرار دیا ہے۔

اسلام آباد میں وفاقی وزراء شفقت محمود، شبلی فراز اور فواد چوہدری نے مشترکہ پریس کانفرنس کی اور شہباز گل پر حملے کی شدید الفاظ میں مذمت کی۔

شفقت محمود نے کہا کہ مسلم لیگ ن نے تشدد کرنے کی روایت ماضی میں بھی قائم رکھی ہوئی تھی۔

یہ بھی پڑھیے

انہوں نے کہا کہ معاملات ن لیگ کی مرضی کے مطابق ہوں تو ٹھیک ورنہ حملہ کرتے ہیں، ماضی میں سپریم کورٹ پر بھی انہوں نے حملہ کیا تھا۔

وفاقی وزیر نے مزید کہا کہ وزیراعظم عمران خان اعتماد کا ووٹ جب لے رہے تھے تو ان کے لیڈر آئے تاکہ جھگڑا ہو، یہ چاہتے تھے کہ لڑائی ہو اور تماشا لگے۔

اُن کا کہنا تھا کہ ایسے ہی چلتا رہا تو سیاست تشدد کی نذر ہوجائے گی، ن لیگ کو دیکھنا چاہیے کہ وہ سیاست کو کس طرف لےکر جارہی ہے۔

شفقت محمود نے یہ بھی کہا کہ مسلم لیگ ن کے اندر مایوسی ہے جو نظر آرہی ہے، تحریک انصاف واحد پارٹی ہے جس نے اپنے ارکان کے خلاف ایکشن لیا۔

تازہ ترین

انتہاپسند یہودیوں کی مسجد اقصیٰ میں قربانی کی کوشش