فرمان الہی
نماز کے اوقات
اسلام آباد ( آن لائن،ٹی وی رپورٹ ) مسلم لیگ (ن ) کے سیکرٹری جنرل احسن اقبال نے کہا ہے کہ بلاول بھٹو زرداری ابھی سیاست میں نومولود ہیں جتنی انکی عمر ہے اتنا ہم سب کا تجربہ ہے بلاول ایسی باتیں نہ کریں جو ان کی جماعت کیلئے بھی مشکلات پیدا کریں، جبکہ شاہد خاقان عباسی کا کہنا ہے کہپاکستان ڈیموکریٹک موومنٹ کے سر براہ مولانا فضل الرحمن کی منظوری سے پاکستان پیپلزپارٹی اور عوامی نیشنل پارٹی کو شو کاز نوٹس جاری کر دیئے ہیں۔ شو کازنوٹس میں دونوں جماعتوں کو 7 روز میں وجوہات بیان کرنے کی ہدایت کی گئی ہے ، شوکاز کی تفصیلات ہم نہیں بتائیں گے پیپلزپارٹی اور اے این پی چاہیں تو شوکاز کی تفصیلات ظاہر کرسکتے ہیں۔ انہوں نے کہا کہ 5؍ حکومت ارکان سے حمزہ شہباز بھی پنجاب کے وزیراعلیٰ بن سکتے ہیں۔ تفصیلات کے مطابق احتساب عدالت میں پیشی کے بعد میڈیا سے گفتگو کرتے ہوئے احسن اقبال نے کہا ہے کہ بلاول بھٹو زرداری کی اتنی عمر نہیں جتنا ہمارا سیاست میں تجربہ ہو چکا ہے، بلاول بھٹو کے کسی بیان پر تبصرہ نہیں کروں گا۔
