آپ آف لائن ہیں
پیر6؍رمضان المبارک 1442ھ 19؍اپریل2021ء
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن
Jang Group

بھارتی فلم ساز کی اہلیہ و بیٹی نے خودکشی کرلی

بھارتی فلم ساز سنتوش گپتا کی اہلیہ اور بیٹی نے آگ لگا کر خودکشی کرلی۔

بھارتی میڈیا رپورٹس کے مطابق اسمیتا شریشتی گپتا نے اپنے اپارٹمنٹ میں ہی خود کو آگ لگائی۔ 

پولیس کے مطابق ان کے اپارٹمنٹ کے پڑوسیوں نے آگ لگنے کے بعد فوری طور پر پولیس اور فائر بریگیڈ کو اطلاع دی۔ 

دونوں کو قریبی اسپتال لے جایا گیا، تاہم وہ جانبر نہ ہوسکیں اور ہلاک ہوگئیں۔

اس حوالے سے فلم ساز کی جانب سے کوئی بیان سامنے نہیں آیا ہے۔ تاہم اطلاعات کے مطابق سنتوش کی اہلیہ اسمیتا گردوں کے عارضے میں مبتلا تھیں۔

دوسری جانب پولیس نے اس واقعے کی اصل حقائق جاننے کے لیے دونوں خواتین کی خودکشی کی تحقیقات بھی شروع کردی ہے۔ 

انٹرٹینمنٹ سے مزید