• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

ویکیسن مراکز سے دور رہنے والوں کیلئے ویکسین لگوانے کی سہولت کا آغاز

کورونا ویکیسن مراکز سے دور علاقوں میں رہنے والوں کے لئے ویکسین لگوانےکی سہولت کا آغاز ہوگیا ہے۔

نیشنل انسٹیٹیوٹ آف ہیلتھ کے حکام کا کہنا ہے کہ اسلام آباد میں عمر رسیدہ افراد کیلئے آؤٹ ریچ کوویڈ 19 ویکسینیشن مہم کا آغاز کیا گیا ہے۔

حکام کا کہنا ہے کہ کورونا ویکسی نیشن مراکزسے دور آبادی کے لئے ویکسینیشن کیمپ لگانے کاآغاز کردیا گیا ہے، 65 سے 79 سال کی عمر کے شہری کیمپ میں آن اسپاٹ ویکسین لگوا سکتے ہیں۔

ویکسینیش مراکز سے دور شہری اور دیہی علاقوں میں ویکسینیشن کیمپ لگائے جارہے ہیں، اسلام آباد میں 80 سال سے زائد عمر کے افراد کو گھر پر ویکسین لگنا شروع ہوچکی ہے۔

این آئی ایچ، وزارت صحت، این سی او سی اور ڈبلیو ایچ او مل کر آؤٹ ریچ ویکسینیشن کی سہولت دی جارہی ہے۔

قومی خبریں سے مزید