بجلی کی قیمتیں 40 فیصد تک بڑھاچکے، ڈاکٹر وقار مسعود

04 مئی ، 2021

وزیراعظم کے معاون خصوصی برائے خزانہ و ریونیو ڈاکٹر وقار مسعود نے کہا ہے کہ بجلی کی قیمتیں چالیس فی صد تک بڑھا چکے ہیں۔ سرکلر ڈیٹ کے مسائل کو آئندہ چند مہینوں میں جامع طور پر حل کرلیں گے۔

پروگرام آج شاہزیب خانزادہ کے ساتھ میں گفتگو کرتے ہوئے ڈاکٹر وقار مسعود کا کہنا تھا کہ آئی ایم ایف کی ایم ڈی نے ماضی کی طرح اس دفعہ بھی ہمدردی اور ساتھ دینے کا وعدہ کیا ہے، انہوں نے کہا ہے کہ ایسے اقدامات جن سے مہنگائی میں اضافہ ہوگا، اس پر دوبارہ غور کرنے کو تیار ہیں۔

علاوہ ازیں اسلام آباد میں میڈیا سے غیر رسمی بات چیت میں سیکریٹری خزانہ کامران افضل کا کہنا تھا کہ ملکی زرمبادلہ کے ذخائر مستحکم ہیں، انسداد کورونا کے لیے آئی ایم ایف سے فوری فنڈز کی ضرورت نہیں ہے۔

انہوں نے کہا کہ بجٹ جون کے دوسرے ہفتے میں پیش ہوگا، بجٹ اسٹریٹیجی پیپر میں تبدیلیاں ہوسکتی ہیں۔

تازہ ترین