عید سے قبل مٹھائی کارخانوں کی چیکنگ
  • بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

عید سے قبل مٹھائی کارخانوں کی چیکنگ

صوبہ پنجاب کی فوڈ اتھارٹی کی  جانب سے عید سے قبل مٹھائی کے کارخانوں کی چیکنگ کا عمل جاری ہے۔

ڈی جی رفاقت نسوانہ کے مطابق پنجاب بھر میں 1755 سوئٹس پروڈکشن یونٹس کی چیکنگ کی گئی، اس دوران  ناقص انتظامات پر 263 پروڈکشن یونٹس کو جرمانے کیے گئے اور معمولی نقائص پر 459 یونٹس کو مزید بہتری کے لیے اصلاحی نوٹسز جاری کیے گئے ہیں۔

ڈی جی فوڈ اتھارٹی رفاقت نسوانہ کے مطابق چیکنگ کے دوران  2ہزار 578 گندے انڈے، 1430 لیٹر مشروبات کو تلف کیا گیا ہے۔

رفاقت نسوانہ کا کہنا ہے کہ فوڈ کوالٹی چیکنگ کے دوران 645 لیٹر خراب آئل، 200 من ناقص مٹھائی، بھاری مقدار میں کھلے رنگ تلف کیے گئے ہیں۔

ڈی جی فوڈ اتھارٹی رفاقت نسوانہ کے مطابق لاہور زون میں 601، راولپنڈی 595،ملتان 360 اورمظفر گڑھ زون میں 199پروڈکشن یونٹس کو چیک کیا گیا ہے۔

قومی خبریں سے مزید