ہمیں اپنے لوگوں کو صفائی سے متعلق تعلیم دینے کی ضرورت ہے: شعیب اختر

قومی کرکٹ ٹیم کے سابق فاسٹ بالر شعیب اختر نے کہا ہے کہ ہمیں اپنے لوگوں کو صفائی سے متعلق تعلیم دینے کی ضرورت ہے۔

شعیب اختر نے اسلام آباد کی صفائی پر ڈی جی آئی سی ٹی سیدہ شفق ہاشمی کی جانب سے لیے گئے نوٹس پر خوشی کا اظہار کیا۔

سابق فاسٹ بولر نے اپنے ٹوئٹ میں لکھا کہ ’سیدہ شفق ہاشمی آپ نے اچھا کیا، براہَ کرم! اس عمل کے برقرار رہنے کو یقینی بنائیں۔‘

انہوں نے مزید لکھا کہ ’ہم سب کو اپنے لوگوں کو مستقل طور پر یہ تعلیم دینی چاہیے کہ اپنے ماحول کو صاف ستھرا رکھنا کتنے مسائل کا حل ہوسکتا ہے۔‘

وسیم اکرم برطانوی ہائی کمشنر کا ٹوئٹ دیکھ کر شرمندہ کیوں ہوئے؟

قومی کرکٹ ٹیم کے سابق کپتان وسیم اکرم نے برطانوی ہائی کمشنر کرسچن ٹرنر کا اسلام آباد کی گلیوں سے ہر ہفتے کچرا اُٹھانے پر شکریہ ادا کرتے ہوئے کہا ہے کہ وہ یہ سب دیکھ کر بےحد شرمندہ ہوئے ہیں۔

شعیب اختر نے تشویش کا اظہار کرتے ہوئے لکھا کہ ’یہ بات ویسے تو سمجھ سے باہر ہے کہ صفائی رکھنے سے متعلق سمجھانے والا کیا ہے۔‘

واضح رہے کہ گزشتہ روز برطانوی ہائی کمشنر کرسچن ٹرنر نے صبح کے وقت چہل قدمی کرتے ہوئے اسلام آباد کی گلیوں میں پھیلا ہوا کوڑا کرکٹ جمع کیا اور اپنی چند تصویریں سوشل میڈیا پر پوسٹ کیں۔

فخرِ عالم نے برطانوی ہائی کمشنر کو ہیرو کیوں قرار دیا؟

معروف پاکستانی اداکار و گلوکار فخرِ عالم نے برطانوی ہائی کمشنر کرسچن ٹرنر کو اسلام آباد کی گلیوں سے کچرا جمع کرکے شہر کی انتظامیہ کو ان کی ذمہ داریوں کا احساس دلانے پر ہیرو قرار دے دیا ہے۔

برطانوی ہائی کمشنر کرسچن ٹرنر نے اپنی ان تصویروں کو شیئر کرتے ہوئے ڈی سی اسلام آباد حمزہ شفقات اور کلین گرین پاکستان ادارے کو مخاطب کرکے یاد دلایا تھا کہ ’صفائی نصف ایمان ہے۔‘