• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

غزہ میں بچوں کی ہلاکتیں، جمائما کا یونیسیف سے سوال

برطانوی فلم پروڈیوسر اور وزیراعظم عمران خان کی سابقہ اہلیہ جمائما گولڈ اسمتھ کا کہنا ہے کہ اُنہیں معلوم ہے کہ غزہ میں بچوں کے ساتھ دیگر افراد بھی مظالم کا شکار ہیں، یونیسیف صرف بچوں پر ظلم بند کرنے کی بات کیوں کر رہا ہے؟

جمائما نے اپنے تصدیق شدہ ٹوئٹر اکاؤنٹ پر عالمی ادارے یونیسیف کا غزہ کے مظلوم بچوں کے حوالے سے جاری کیا گیا بیان شیئر کرتے ہوئے لکھا کہ ’بچہ بچہ ہوتا ہے۔ غزہ میں اسرائیل کے ظلم سے 9 بچے ہلاک جبکہ متعدد زخمی ہوگئے ہیں۔‘

جمائما نے لکھا کہ ’عالمی ادارے یونیسیف بچوں کو تشدد سے دور رکھنے کی درخواست کرتا ہے۔‘

اُنہوں نے اپنے ایک اور ٹوئٹ میں لکھا کہ ’براہِ کرم! مجھے یہ نہ بتائیں کہ فلسطین میں بچوں کے علاوہ بھی دیگر افراد پر ظلم ہورہا ہے۔‘

جمائما نے کہا کہ ’مجھے معلوم ہے کہ وہاں ہر ایک قتل و غارت کا شکار ہے لیکن عالمی ادارے یونیسیف کی یہ اپیل صرف بچوں کے بارے میں ہے۔‘

واضح رہے کہ یونیسیف نے اپنے ایک بیان میں مسجدِ اقصیٰ میں عبادت کے دوران اسرائیلی فورسز کے حملے اور پر تشدد واقعات پر کہا تھا کہ بچوں کو تشدد سے دور رکھنا چاہیے۔

دوسری جانب اسرائیلی فضائی حملوں میں شہید فلسطینیوں کی تعداد 109 ہوگئی ہے، شہداء میں 28 بچے اور 15 خواتین بھی شامل ہیں جبکہ 621 افراد زخمی ہیں۔ ہزاروں فلسطینیوں کے آشیانے ملبے کا ڈھیر بن چکے ہیں۔

خاص رپورٹ سے مزید