• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

بھارت، طوفان تاؤتے سے بڑے پیمانے پر تباہی کا خطرہ

بھارتی میڈیا کی جانب سے سمندری طوفان تاؤتے سے متعلق امکان ظاہر کیا جا رہا ہے کہ سمندری طوفان آج رات بھارتی ریاست گجرات تک پہنچ جائے گا۔

بھارتی میڈیا کے مطابق سمندری طوفان تاؤتے کے سبب گجرات کے ساحلی علاقوں میں بڑے پیمانے پر تباہی کا خطرہ ہے جبکہ بھارتی ریاست مہاراشٹر، کیرالہ سمیت دیگر ریاستوں میں شدید بارشوں کے الرٹ جاری کر دیئے گئے ہیں۔

بھارتی میڈیا کے مطابق بھارت کی مغربی ساحلی پٹی کے نشیبی علاقوں سے ڈیڑھ لاکھ افراد کا انخلا کرایا گیا ہے۔

بھارتی میڈیا کا بتانا ہے کہ بھارت میں بارش اور تیز ہواؤں کے باعث مختلف حادثات میں 6 افراد ہلاک ہوچکے ہیں۔

بین الاقوامی خبریں سے مزید