سیٹ پر اداکاروں سے امتیازی سلوک برتا جاتا ہے، اُشنا شاہ

پاکستان کی معروف اداکارہ اُشنا شاہ کا کہنا ہے کہ پاکستان شوبز انڈسٹری میں مرد اور خواتین فنکاروں کے ساتھ مختلف قسم کا رویہ اختیار کیا جاتا ہے۔

اُشنا شاہ نے حال ہی میں ایک انٹرویو کے دوران اپنی نجی و پیشہ ورانہ زندگی سے متعلق بہت سی نئی باتیں اپنے مداحوں کے ساتھ شیئر کی ہیں جن سے اُن کے فالوورز ناواقف تھے۔

اُشنا شاہ کا ملالہ کے بیان پر بات کرنے سے انکار

سماجی اور معاشرتی مسائل پر ہمیشہ اپنی آواز بُلند کرنے والی معروف اداکارہ اُشنا شاہ نے کم عُمر ترین نوبل انعام یافتہ ملالہ یوسفزئی کے شادی سے متعلق بیان پر ردّعمل دینے سے انکار کردیا۔

اُشنا شاہ کے اس ہی انٹرویو سے ایک مختصر سا کلپ سوشل میڈیا پر خوب وائرل ہو رہا ہے جس میں وہ شوبز انڈسٹری میں مرد اور خواتین کے ساتھ فرق اور اُن کے ساتھ روا رکھے جانے والے رویئے سے متعلق بات کر رہی ہیں۔

اُشنا شاہ کا کہنا ہے کہ ’انہوں نے ایک بات نوٹ کی ہے کہ عورت کا رویہ جیسا بھی ہو اُن کو ہمیشہ منفی طور پر ہی لیا جاتا ہے ، سیٹ پر موجود اگر کوئی اداکارہ کسی چیز کا مطالبہ کرتی ہے تو اس بات کو ہمیشہ منفی لیا جاتا ہے اور آگے بھی منفی انداز میں ہی بیان کیا جاتا ہے کہ یہ اداکارہ ڈیمانڈنگ ہیں یا یہ اپنی چلاتی ہیں۔‘

کیا اُشنا شاہ اور عمران عباس نے شادی کرلی؟

اداکار عمران عباس نے ساتھی اداکارہ اُشنا شاہ سے شادی کی خبروں پر مزاحیہ ردعمل دے دیا جس نے مداحوں کو ہنسنے پر مجبور کردیا ہے۔

اُشنا شاہ کا کہنا ہے کہ ’اگر اُس ہی سیٹ پر موجود کوئی اداکار یا سینئر اداکار 5 گنا زیادہ برا رویہ بھی اختیار کرے یا کسی چیز کی ڈیمانڈ کرے تو اُن کی بات فوراً مان لی جاتی ہے۔‘