• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

معروف اداکار محمد علی عیسانی نے فنکشنل لیگ میں شمولیت کا اعلان کردیا

کراچی(آئی این پی)پاکستان مسلم لیگ فنکشنل سندھ کے جنرل سیکریٹری سردار عبد الرحیم سے فلم اور ٹی وی کے مشہور اداکار محمد علی عیسانی نے فنکشنل لیگ ہاؤس میں ملاقات کرکے فنکشنل لیگ میں شمولیت کا اعلان کیا،اس موقع پر کراچی زون رابطہ کمیٹی کے کنوینئر بیریسٹر ارشد شر بلوچ ، جمشید خان ، افتخار صدیقی بھی موجود تھے ۔ملاقات کے دوران فنکشنل لیگ کلچرل ونگ کو سندھ میں مزید مضبوط کرنے کے حوالے سے تفصیلی بات چیت کی گئی ، اس موقع پر سردار عبد الرحیم نے محمد علی عیسانی کو فنکشنل لیگ میں شامل ہونے پر ان کو خوش آمدید کہتے ہوئے کہا کہ فنکشنل لیگ سندھ کے کلچر اور تہذیب کو مزید ترقی دلانا چاہتی ہے ، کیونکہ وہ قوم کبھی بھی ترقی نہیں کرسکتی جو اپنی ثقافت ، کلچر اور تہذیب سے منہ موڑ لیتی ہے ۔ انہوں نے مزید کہا کہ سندھ کے اداکاروں اور فن سے وابستہ لوگوں کی حالتِ زار بہت خراب ہے سندھ حکومت اداکاروں اور فنکاروں کی مالی امداد کے لیے رکھے گئے کروڑوں روپے ہڑپ کرلیتی ہے ، جس کی وجھ سے آج بھی فن سے وابستہ لوگ کسمپرسی کی حالت میں زندگی بسر کررہے ہیں ، جس کی ہم بھرپور الفاظوں میں مذمت کرتے ہیں ۔