ایران کے صدارتی انتخابات کل،3 امیدوار دستبردار

ایران کے صدارتی انتخابات کل ہوں گے۔ آخری لمحات پر تین امیدوار الیکشن سے دستبردار ہوگئے۔

غیرملکی میڈیا کے مطابق اعتدال پسند عبدالناصر ہمتی کا تین قدامت پسندوں سے مقابلہ ہے۔ قدامت پسند ابراہیم رئیسی صف اول کے امیدوار ہیں۔

ایران کے سپریم لیڈر آیت ﷲ خامنہ ای نے عوام پر زور دیا ہے کہ وہ ہر صورت ووٹ کا حق استعمال کریں۔

ایران میں 13 ویں صدارتی انتخابات میں رجسٹرڈ ووٹرز کی تعداد 59 ملین سے زائد ہے۔ جبکہ 72 ہزار پولنگ اسٹیشن قائم کئے جانے کی اطلاعات ہیں۔