حافظ سعید کے گھر کے قریب دھماکا، کئی افراد زیرِ حراست

لاہور میں جماعت الدعوۃ کے سربراہ حافظ سعید کے گھرکے قریب ہوئے بم دھماکے کی تحقیقات کے دوران سی ٹی ڈی نے مختلف شہروں میں چھاپے مار کر کئی مشکوک افراد کو حراست میں لے لیا۔

ذرائع کے مطابق دھماکے کے مقام کے قریبی علاقے کی جیو فینسنگ کر لی گئی ہے۔

لاہور: جوہر ٹاؤن میں دھماکا، 3 جاں بحق، 20 سے زائد زخمی

لاہور میں دہشت گردی کا واقعہ پیش آیا ہے جس میں جوہر ٹاؤن کے علاقے میں بارودی مواد کا دھماکا ہوا ہے جس کے نتیجے میں 3 افراد جاں بحق اور 20 سے زائد زخمی ہو گئے، زخمیوں میں سے 4 کی حالت تشویش ناک ہے۔

سی ٹی ڈی اورحساس اداروں نے شواہد محفوظ کرنے کاعمل مکمل کر لیا ہے۔

ذرائع نے بتایا کہ دھماکے کی جگہ سے بال بیرنگ، لوہے کے ٹکڑے اور گاڑی کے پارٹس ا کٹھےکیئے گئے ہیں۔

لاہور: دھماکا ہائی ویلیو ٹارگٹ کے گھر کے قریب ہوا

لاہور میں پیش آنے والے دہشت گردی کے واقعے کے حوالے سے انکشاف ہوا ہے کہ یہ جوہر ٹاؤن کے علاقے میں ہائی ویلیو ٹارگٹ شخصیت کے گھر کے قریب پیش آیا ہے۔

واضح رہے کہ لاہور کے علاقے جوہر ٹاؤن میں جماعت الدعوۃ کے سربراہ حافظ سعید کے گھرکے قریب گزشتہ روز بارود سے بھری گاڑی میں دھماکا کیا گیا تھا۔

دھماکے کے نتیجے میں بچے سمیت 3 افراد جاں بحق جبکہ 24 زخمی ہوئے تھے۔