فرمان الہی
نماز کے اوقات
پاکستان اور انگلینڈ کے درمیان سیریز کا دوسرا ایک روزہ میچ کل لارڈز میں کھیلا جائے گا۔
قومی ون ڈے اسکواڈ میزبان ملک کے خلاف دوسرے معرکے کے لیے کارڈف سے لندن پہنچ گیا، کھلاڑیوں نے شام کے اوقات میں جم سیشن میں بھی شرکت کی۔
سیریز کے پہلے ایک روزہ میچ میں انگلینڈ نے یکطرفہ مقابلے کے بعد پاکستان کو 9 وکٹ سے شکست دی، پاکستان ٹیم کی نہ بیٹنگ چلی نہ بولرز کوئی رنگ جما سکے۔
قومی ٹیم اب دوسرے ون ڈے کے لئے کارڈف سے لارڈز پہنچ گئی، کھلاڑیوں کے حوصلے بلند ہیں اور سیریز میں کم بیک کرنے کے لئے بھی پر عزم ہیں۔
انجری کا شکار حارث سہیل آج قومی اسکواڈ سے علیحدہ ہوکر وطن روانہ ہوگئے۔
پاکستان ٹیم میں ایک سے دو تبدیلیوں کا بھی امکان ہے، میچ پاکستانی وقت کے مطابق 3 بجے شروع ہوگا۔
