• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کبریٰ خان کے چہرے کی کتنی ہڈیاں ٹوٹی ہوئی ہیں؟

پاکستانی فلم و ڈرامہ انڈسٹری کی اداکارہ کبریٰ خان نے انکشاف کیا ہے کہ اُن کے چہرے کی متعدد ہڈیاں اندر سے ٹوٹی ہوئی ہیں۔

کبریٰ خان کی انسٹا گرام پر ایک انٹرویو سے لی گئی مختصر سی ویڈیو خوب وائرل ہو رہی ہے جس میں کبریٰ خان اپنے ساتھ پیش آنے والے ایک ہولناک حادثے سے متعلق بتا رہی ہیں۔

کبریٰ خان کا وائرل ہوتی انسٹا ویڈیو میں بتانا ہے کہ ’جب وہ 17 یا 18 سال کی تھیں تو اُن کے ساتھ ایک حادثہ پیش آ گیا تھا جس میں اُن کے چہرے کی ہڈیاں اندر سے کِرچی کِرچی ہو گئی تھیں۔‘


کبریٰ خان کا بتانا ہے کہ ’اُن کے چہرے کے بائیں جانب ناک، گال اور آنکھ کے اوپر کی ہڈیاں ابھی بھی اندر سے ٹوٹی ہوئی ہیں، اپنے چہرے کی ہڈیوں کو لے کر وہ بہت خوفزدہ بھی رہتی ہیں۔‘

اس شو میں معروف اداکار ہمایوں سعید بھی بطور مہمان شریک ہیں جو کبریٰ خان کے اس بیان پر کہہ رہے ہیں کہ اُن کے چہرے کی ہڈیاں ٹوٹ کر اور بھی خوبصورت ہو گئی ہیں۔

انٹرٹینمنٹ سے مزید