• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

چیف جسٹس نے مندر میں توڑ پھوڑ کے واقعے کا از خود نوٹس لے لیا

تازہ ترین
قومی خبریں
05 اگست ، 2021


رحیم یار خان میں مندر میں توڑ پھوڑ  کے واقعے کا چیف جسٹس آف پاکستان جسٹس گلزار احمد نے ازخود نوٹس لے لیا۔

سپریم کورٹ کے اعلامیہ کے مطابق چیف جسٹس سے ممبر قومی اسمبلی اور ہندو کونسل پیٹرن ان چیف ڈاکٹر رمیش کمار  نے  ملاقات کی۔

اعلامیے کے مطابق رمیش کمار نے چیف جسٹس کو رحیم یار خان میں مندر پر حملے سے متعلق آگاہ کیا۔

سپریم کورٹ کے اعلامیہ میں مزید کہا گیا ہے کہ چیف جسٹس نے  واقعے پر سخت تشویش کا اظہار کرتے ہوئے نوٹس لے لیا۔

 مندر میں توڑ پھوڑ کا کیس کل 6 اگست کو سماعت کیلئے مقرر کردیا گیا۔

تازہ ترین