وہیل کی وائلن سنتے ہوئے ویڈیو وائرل

ایک نہایت ہی دلچسپ بیلوگا وہیل سے متعلق ویڈیو سامنے آئی ہے جس میں چند وہیل مچھلیاں ایک شخص کو وائلن بجاتا دیکھ وائلن کو سن رہی ہیں۔

اس ویڈیو نے نیٹ یوزرز کو حیران کردیا ہے، یہ دلچسپ ویڈیو انسٹاگرام پر امریکا میں واقع مائیسٹک ایکوریم نے شیئر کی ہے۔

اس ویڈیو میں واضح طور پر دیکھا جاسکتا ہے کہ تین بیلوگا وہیلز جن کے نام جونو، کیلا اور نتاشا بتائے جاتے ہیں وہ وائلن بجاتے شخص کی جانب متوجہ ہوکر شوق سے اس موسیقی کو سنتی رہیں۔

اس پوسٹ کو جوکہ 21 جولائی کو شیئر کی گئی اب تک 28 لاکھ لائیکس موصول ہوئیں۔ لوگوں نے اس خوبصورت پرفارمنس کو بہت پسند کیا جبکہ یوزرز نے وہیل مچھلیوں کے ردعمل کو بھی بہت سراہا۔