زمین زاد (خود نوشت)

22 اگست ، 2021

مصنّف: ارشد علی

صفحات: 384، قیمت: 800 روپے

ناشر: بُک کارنر، جہلم۔

مصنّف سرکاری تدریسی خدمات سے کچھ عرصہ قبل سبک دوش ہوئے ہیں،تاہم اپنی تحاریر کے ذریعے’’ قومی تدریسی‘‘ خدمات اب بھی جاری رکھے ہوئے ہیں۔ان کی دورانِ ملازمت تین کتابیں منظرِعام پر آئیں اور اب اِس خود نوشت کی صُورت اپنی سرگزشتِ حیات کے بہت سے پہلوؤں تک قارئین کو رسائی دی ہے۔

اُن کا کہنا ہے’’یقیناً سچائی اچھی چیز ہے، لیکن مَیں نے سارے سچ بیان نہیں کیے، مگر جھوٹ بولنے سے حتی الامکان گریز کیا ہے۔‘‘ بچپن، لڑکپن، نوجوانی، ملازمت، عمومی موضوعات، ہم کار، اہلِ قلم، اہلِ علم و دانش، شخصیات، دوست احباب اور سیاسی و سماجی شخصیات جیسے موضوعات کے ذیل میں خُوب صُورت، رواں نثر میں زندگی کے مدو جزر بیان کیے گئے ہیں۔چوں کہ اُن کی زندگی تدریسی، علمی اور سماجی خدمات و تعلقات کے حوالے سے بھرپور رہی، اِس لیے اِس سوانح عُمری میں عام قاری کی دِل چسپی کا بھی خاصا سامان ہے۔

تازہ ترین