عثمان بزدار سے ایتھلیٹس اور کے ٹو سر کرنیوالے کوہ پیماؤں کی ملاقات

وزیراعلیٰ پنجاب عثمان بزدار سےٹوکیو اولمپکس کے قومی ہیروز اور دنیا کی دوسری بلند ترین چوٹی کے ٹو سر کرنیوالے کوہ پیماؤں نے ملاقات کی۔

ملاقات کرنیوالوں میں ایتھلیٹ ارشد ندیم، طلحہ طالب، فیاض بخاری، ساجد علی سدپارہ اور شہروز کاشف شامل ہیں۔

قومی ہیرو علی سدپارہ کے بیٹے نے K2 سر کرلی

سرما میں دنیا کی دوسری بلند ترین چوٹی سر کرنے کی مہم کے دوران ہلاک ہونے والے پاکستانی کوہِ پیما علی سدپارہ کے بیٹے ساجد سدپارہ نے کے ٹو سر کرلیا۔

وزیراعلیٰ عثمان بزدار نے ارشد ندیم اور طلحہ طالب کو20، 20لاکھ روپے کے چیک دیے، ارشد ندیم اورطلحہ طالب کو اسپورٹس بورڈ پنجاب اور محکمہ انرجی کی جانب سے بھی 10، 10 لاکھ روپے دیے گئے۔

اسپورٹس بورڈ پنجاب کی جانب سے ساجد علی سدپارہ، شہروز کاشف کو 10،10، کوچ فیاض بخاری کو 5 لاکھ روپے کے چیک دیے گئے۔

پاکستانی کوہِ پیما نے کے ٹو سر کر کے ورلڈ ریکارڈ قائم کردیا

پاکستانی کوہِ پیما شہروز کاشف نے دنیا کی دوسری بلند ترین چوٹی کے ٹو سر کر کے سب سے کم عمری میں یہ اعزاز اپنے نام کرنے کا ورلڈ ریکارڈ بنا ڈالا۔

وزیراعلیٰ نے ارشد ندیم، طلحہ طالب، شہروز کاشف، ساجد علی سدپارہ اور فیاض بخاری کو مبارکباد بھی دی۔