حیدرآباد، سائبر فراڈ میں ملوث نوجوان گرفتار

حیدر آباد میں ایف آئی اے سائبر کرائم ونگ نے کارروائی کرتے ہوئے پولیس افسر کے نام سے فیس بک پر جعلی آئی ڈی بنا کر اسپیشل برانچ کے نام پر بھرتی کا لالچ دینے والے بدین کے رہائشی 17 سالہ نوجوان کو گرفتار کرلیا۔

ایف آئی اے کے مطابق ملزم نے فیس بک پر اے ایس پی سٹی حیدرآباد علینہ راجپر کے نام سے آئی ڈی بنا رکھی تھی، سیکرٹ برانچ اور کرائم برانچ کے نام سے واٹس ایپ گروپ بنا رکھے تھے، چیف سیکریٹری کے نام سے جعلی آرڈر بھی اس گروپ میں بھیجے جاتے اور گروپ میں شامل لوگوں کو مرعوب کیا جاتا۔

شکایت کنندہ اے ایس پی علینہ راجپر کا کہنا ہے کہ ایف آئی اے کو پتا لگانا چاہیے کہ ملزم نے کتنے پیسے لیے، سم کس نام سے خریدی اور یہ پیج کس کے ایما پر بنایا گیا تھا۔