• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

میڈیا کو آج عمران خان کو سپورٹ کرنے کا صلہ دیا جارہا ہے، اسفندیار ولی


عوامی نیشنل پارٹی (اے این پی) کے سربراہ اسفندیار ولی خان نے کہا ہے کہ میڈیا کو آج عمران خان کو سپورٹ کرنے کا صلہ دیا جارہا ہے۔ 

انہوں نے کہا کہ پی ایم ڈی اے کے ذریعے حکومت میڈیا کو زنجیروں سے باندھنا چاہتی ہے۔

سربراہ اے این پی نے کہا کہ پاکستان میں میڈیا پر جتنا دباؤ آج ہے آمرانہ دور میں بھی نہیں دیکھا گیا۔

اسفندیار ولی خان کا کہنا تھا کہ پاکستان میں میڈیا کنٹرول کرنا جمہوریت کو کمزور کرنے کے مترادف ہے۔

ان کا یہ بھی کہنا تھا کہ میڈیا نے جتنا عمران خان کو سپورٹ کیا شاید ہی کسی کو کیا ہو، آج اسی کا صلہ دیا جارہا ہے۔

انہوں نے کہا کہ آزاد میڈیا کی جدوجہد میں ہم صحافی برادری کے ساتھ کھڑے ہیں۔

قومی خبریں سے مزید