• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

شمالی وزیرستان: سکیورٹی فورسز کے ساتھ فائرنگ کا تبادلہ، 2 دہشتگرد ہلاک

راولپنڈی(جنگ نیوز) شمالی وزیرستان میں سکیورٹی فورسز کیساتھ فائرنگ کے تبادلے میں دو دہشتگرد مارے گئے۔پاک فوج کے شعبہ تعلقات عامہ کی طرف سے جاری کردہ بیان کے مطابق سکیورٹی فورسز نے خیبرپختونخوا کے ضلع شمالی وزیرستان کے علاقے دتہ خیل میں آپریشن کیا، آپریشن خفیہ معلومات کی بنیاد پر کیا گیا۔آئی ایس پی آر کے مطابق آپریشن کے دوران سکیورٹی فورسز اور دہشتگردوں کے درمیان فائرنگ کا تبادلہ ہوا جس کے باعث دو دہشتگرد مارے گئے۔ مزید دہشت گردوں کی تلاش کے لیے علاقہ میں سرچ آپریشن جاری ہے۔آئی ایس پی آر کے مطابق آپریشن کے دوران دہشتگردوں کے ٹھکانے سے بھاری مقدار میں اسلحہ بارود برآمد ہوا۔

اہم خبریں سے مزید