دورے کے اچانک ملتوی ہونے پر افسوس ہے، بابر اعظم

قومی کرکٹ ٹیم کے کپتان بابر اعظم کا کہنا ہے کہ نیوزی لینڈ کے پاکستان میں دورے کے اچانک ملتوی ہونے پر افسوس ہے۔

نیوزی لینڈ کا دورہ منسوخ، شائقین کرکٹ مایوس

نیوزی لینڈ کرکٹ بورڈ کی جانب سے پہلے میچ کے شروع...

انہوں نے سوشل میڈیا سائٹ ٹوئٹر پر جاری پیغام میں کہا کہ سیریز کے اچانک ملتوی ہونے پر انتہائی مایوس ہوں۔

کپتان بابر اعظم نے کہا کہ یہ سیریز پاکستان کرکٹ کے لاکھوں شائقین کرکٹ کے  چہروں پر مسکراہٹیں واپس لا سکتی تھی۔

انہوں نے یہ بھی کہا کہ مجھے اپنی سیکیورٹی ایجنسیوں کی صلاحیتوں اور ساکھ پر پورا بھروسہ ہے۔ وہ ہمارا فخر ہیں اور ہمیشہ رہیں گے۔

قومی ٹیم کی نئی ون ڈے کِٹ متعارف

پاکستان کرکٹ بورڈ نے ایک روزہ میچز کیلئے قومی ٹیم...

اپنے ٹوئٹ میں کپتان نے ’پاکستان زندہ باد‘ کا اضافہ بھی کیا۔

واضح رہے کہ نیوزی لینڈ کرکٹ ٹیم نے سیکیورٹی خدشات کے پیش نظر دورۂ پاکستان ختم کردیا۔

چیف ایگزیکٹو نیوزی لینڈ کرکٹ بورڈ کا کہنا ہے کہ ہمارے لیے دورہ جاری رکھنا ممکن نہیں، ٹیم واپس جارہی ہے۔

سیریز منسوخ ہونے سے پاکستان کو دھچکا لگا ہے، شعیب اختر

قومی کرکٹ ٹیم کے سابق فاسٹ بولر شعیب اختر کا نیوزی لینڈ سے اچانک سیریز منسوخ ہونے پر کہنا ہے کہ سیریز منسوخ ہونے سے پاکستان کو دھچکا لگا ہے۔

دوسری جانب پاکستان کرکٹ بورڈ ( پی سی بی) کا کہنا ہے کہ نیوزی لینڈ کرکٹ نے آج بتایا کہ انہیں کوئی سیکیورٹی الرٹ موصول ہوا ہے جس کے بعد انہوں نے یکطرفہ طور پر سیریز منسوخ کردی ہے۔