یونیورسٹی روڈ، آگ لگنے سے ریسٹورنٹ خاکستر، جانی نقصان نہیں ہوا

کراچی(اسٹاف رپورٹر)یونیورسٹی روڈ پرواقع ریسٹورنٹ میں آگ لگ گئی، اطلاع ملنے پرفائر بریگیڈ نے موقع پر پہنچ کر 2 گاڑیوں کی مدد سے آگ پر قابو پا لیا، جانی نقصان نہیں ہوا ،فائر بریگیڈ حکام کے مطابق بیت المکرم مسجدکےقریب 4 منزلہ رہائشی عمارت کے گراؤنڈ فلور پر واقع ریسٹورنٹ میں آگ لگی تھی ، آگ کے باعث رہائشی عمارت میں واقع فلیٹ کے ر ہائشی فوری باہر آگئے، آگ لگنے کے وقت ریسٹورنٹ بند تھا ، عینی شاہدین کے مطابق آگ سلنڈر پھٹنے کی وجہ سے لگی ریسٹورنٹ مکمل طور پر خاکستر ہوگیا۔