• بانی: میرخلیل الرحمٰن
  • گروپ چیف ایگزیکٹووایڈیٹرانچیف: میر شکیل الرحمٰن

کراچی کے مختلف مقامات پر بارش کا پانی جمع، ٹریفک کی روانی متاثر

تازہ ترین
قومی خبریں
23 ستمبر ، 2021


کراچی کے مختلف علاقوں میں آج وقفے وقفے سے بارش کا سلسلہ جاری رہا، بارش کے بعد اہم سڑکوں پر پانی جمع ہونے سے ٹریفک کی روانی متاثر ہوگئی ہے۔

کارساز سے شارع فیصل جانے والی سڑک پر بارش کا پانی جمع ہے، ایف ٹی سی سے میٹرول پول کے درمیان سڑک کے دونوں جانب ٹریفک کی روانی متاثر ہے۔

کراچی: ناگن چورنگی پر شہری ٹائر ٹیوب میں بیٹھ کر سڑک پار کرنے پر مجبور

تیز بارش کے بعد ناگن چورنگی کی سڑک بھی زیر آب آگئی، ٹریفک کی روانی معطل ہے۔

 لیاقت آباد سے تین ہٹی اور جہانگیر روڈ سے گرو مندر جانے والی سڑک پر بارش کا پانی جمع ہے۔

بارش کے بعد  تبت سینٹر، ریگل چوک، پٹیل پاڑہ، لسبیلہ چوک اور ڈینسو ہال پر بھی بارش کا پانی جمع ہے۔

تازہ ترین