ڈاکٹر قدیر کے نام سے ادارہ قائم کرنے کی بات وزیراعظم سے کروں گا، بابر اعوان

وزیراعظم عمران خان کے مشیر بابر اعوان کا کہنا ہے کہ وزیراعظم سے بات کروں گا ڈاکٹر عبدالقدیر خان کے نام سے ادارہ قائم کریں۔

بابراعوان نے راولپنڈی ہائیکورٹ بار  میں ڈاکٹر عبدالقدیر خان کی یاد میں تعزیتی ریفرنس سے خطاب میں کہا کہ ڈاکٹر عبدالقدیرخان محسن پاکستان کے علاوہ محسن مسلم اُمّہ بھی ہیں، ڈاکٹرعبدالقدیر خان نے پاکستان کیلئےجو کیا یہ ان کا پاکستان سے عشق تھا۔

وطنِ عزیز کو ناقابلِ تسخیر بنانے کیلئے قوم ڈاکٹرعبدالقدیر خان کی شکرگزار

ٹوئٹر پر موجود تمام پاکستانی صارفین ہی قومی ہیرو اور محافظِ پاکستان کے انتقال پرغمگین نظر آرہے ہیں

بابر اعوان نے کہا کہ ڈاکٹر عبدالقدیر خان کو مشکلات کا پتہ تھا پھر بھی پاکستان کو ایٹمی قوت بنایا، محسن پاکستان کو اللہ نے جو عزت دی وہ صرف ان ہی کا حق تھا۔

شیخ رشید نے ڈاکٹر عبدالقدیر خان کے ساتھ یادگار تصویر شیئر کردی

وزیرداخلہ شیخ رشید احمد نے گزشتہ روز انتقال کر جانے والے محسنِ پاکستان ڈاکٹر عبدالقدیر خان کے ساتھ 90 کی دہائی میں لی گئی ایک یادگار تصویر شیئر کی ہے۔

انہوں نے یہ بھی کہا کہ ڈاکٹر عبدالقدیر خان نے پاکستانیوں کو چین سے سونے کا موقع فراہم کیا۔