| |
Home Page
بدھ 30 ذیقعدہ 1438ھ 23 اگست 2017ء
February 17, 2017 | 12:00 am
دوران ڈیوٹی جان کی حفاظت مقدم ہونی چاہئے،عامل صدیقی

Todays Print City News

فیصل آباد(نامہ نگارخصوصی)چیف انجنئیرآپریشن فیسکو عامل صدیقی نے کہا ہے کہ دوران ڈیوٹی اپنی جان کی حفاظت مقدم ہونی چاہئے کیونکہ محکمہ کی پالیسی کے مطابق کوئی بھی عملی یا ہنگامی صورتحال کسی بھی زندگی کو خطرے میں ڈالنے کا جواز نہیں بن سکتی اور ہمارامذہب بھی ہمیں اپنی جان کی حفاظت کرنے کا حکم دیتا ہے ۔یہ باتیں انھوں نے فیسکو ریجنل ٹریننگ سنٹر میں لائن مین ٹو سے لائن مین ون کی ٹریننگ کلاس کوسیفٹی لیکچر دیتے ہوئے کہیں۔ انہوں نے کہا کہ حادثات کی شرح کو یقینی اقدامات کے ذریعے کم سے کم کرنا ہمار امشن ہے ۔ ہمیں سیفٹی کو اپنی سوچ میں شامل کرنے ضرورت ہے چالو لائنوں پر کام کرتے ہوئے تمام حفاظتی اقدامات کو پورا کریں۔