راولپنڈی (وسیم اختر،سٹاف رپورٹر)اڈیالہ جیل میں قیدپوری کرنے والے بیشتر غیرملکیوں کومخیرحضرات کے تعاون سے ان کے ملک بھیجاگیا،ذرائع کے مطابق ایک سال کے دوران تقریباً 20غیرملکیوں کواڈیالہ جیل کی انتظامیہ نےصاحب ثروت افرادکے تعاون سے لاکھوں روپے کے ٹکٹس خریدکران کے آبائی ممالک میں بھیجا۔ذرائع کاکہناہے کہ سنٹرل جیل اڈیالہ میں اس وقت بھی 100کے قریب غیر ملکی قیدی بندہیں ان میں سے زیادہ ترقیدیوں کاتعلق افغانستان سے ہے جب کہ دوسرے نمبرپرافریقی ملکوں کے قیدی ہیں جن میں اکثریت نائیجیریاسے تعلق رکھنے والے افرادکی ہے جب کہ بھارتی ،بنگلہ دیشی اوربعض دیگرممالک کے قیدی بھی اڈیالہ جیل میں اسیرہیں ۔سپرنٹنڈنٹ سنٹرل جیل اڈیالہ سعیداللہ گوندل نے اس بات کی تصدیق کی ہے کہ گذشتہ ایک سال کے دوران20کے قریب فارنرقیدیوں کو ان کی سزامکمل ہونے پرمخیرحضرات کے تعاون سے ان کے ملک بھجوایاگیاہے ان کاکہناہے کہ اصولی طورپرغیرملکی قیدی کوان کے سفارت خانہ کی طرف سے واپسی کاٹکٹ لے کردیناچاہئیے لیکن ایسانہیں ہورہاہے جس کی وجہ سے بیشترقیدیوں کو ڈی پورٹ کرانے کے لئے جیل انتظامیہ اصحاب ثروت کے تعاون سے ٹکٹ خریدتی ہے اس ضمن میں زیادہ ترقیدیوں کاتعلق نائیجیریا،تنزانیہ وغیرہ سے ہے جن میں سے اکثریت منشیات کے مقدمات میں سزاکاٹنے جیل آتی ہے جب کہ افغانستان اوربنگلہ دیش سمیت بعض دیگرملکوں کے باشندے زیادہ تر14فارنرایکٹ کے تحت گرفتارہوکرجیل لائے جاتے ہیں ۔پیراورمنگل کی درمیانی شب بھی اڈیالہ جیل میں سزامکمل کرنے والے 3نائیجیرین باشندوں کوان کے ملک ڈی پورٹ کرنے کے لئے بے نظیربھٹو ائرپورٹ لایاگیا اوران تینوں کی واپسی ٹکٹس کابندوبست اڈیالہ جیل کی انتظامیہ نے مخیر حضرات کے تعاون سے کیا۔
فرمان الہی
نماز کے اوقات
