| |
Home Page
پیر22 ربیع الاوّل 1439ھ 11 دسمبر2017ء
May 19, 2017 | 12:00 am
پاناماجے آئی ٹی ،گواہوں کے بیانات قلمبندکرنے کا آغاز

Todays Print

اسلام آباد(آئی این پی)پاناما کیس کی تحقیقات کیلئے قائم مشترکہ تحقیقاتی ٹیم (جے آئی ٹی )نے دستیاب ریکارڈ کی چھان بین مکمل کر کے گواہوں کے بیانات قلمبند کرنے کا سلسلہ شروع کر دیا ، جے آئی ٹی نے سب سے پہلا بیان صحافی عمر چیمہ کا ریکارڈ کیا ہے‘ اب وزیر اعظم نواز شریف ان کے بچوں ، عمران خان ‘ شیخ رشید اور دیگر کے بیانات ریکارڈ کئے جائیں گے۔ جمعرت کو جے آئی ٹی کا اجلاس ایڈیشنل ڈائریکٹر جنرل ایف آئی اے واجد ضیاءکی صدارت میں وفاقی جوڈیشل اکیڈمی میں ہوا‘اجلاس میں جن افراد کے بیانات ریکارڈ کئے جائیں گے ان کی فہرست کو حتمی شکل دیدی گئی ہے جبکہ پاناما پیپرز سے متعلق پاکستان میں خبر دینے والے صحافی عمر چیمہ کا بیان ریکارڈ کیا گیا‘ عمر چیمہ سے جے آئی ٹی کے تمام ارکان نے سوالات کئے اور تقریباً 2 گھنٹے تک عمر چیمہ جوڈیشل اکیڈمی میں موجود رہے۔ ذرائع کے مطابق جے آئی ٹی اب روزانہ کی بنیاد پر بیانات قلمبند کرے گی اور ان بیانات کی روشنی میں تحقیقات کو آگے بڑھایا جائے گا‘ سب سے اہم بیان وزیر اعظم نواز شریف اور ان کے بچوں کا ہو گاجس کی روشنی میں جے آئی ٹی بیرون ملک سے شواہد کے حصول کیلئے رابطے کرے گی۔