قومی کر کٹ ٹیم کے ہیڈ کوچ اور کوچنگ اسٹاف آج لاہور پہنچیں گے

24 جولائی ، 2017

کراچی(اسٹاف رپورٹر)پاکستانی کرکٹ ٹیم کے ہیڈ کوچ مکی آرتھر دیگر غیر ملکی کوچزپیر کی صبح چھٹیاں گذارنے کے بعد لاہور پہنچ رہے ہیں۔وہ پی سی بی حکام اور سلیکٹرز کے ساتھ مل کر قومی ٹیم کے کیمپ کے بارے میں پلاننگ کریں گے۔مکی آرتھر اور تمام کوچز آئی سی سی چیمپنز ٹرافی فائنل جیتنے کے بعد اپنے گھروں کو چلے گئے تھے۔فزیو شین ہیز الگ فلائٹ سے لاہور پہنچیں گے۔

جبکہ مکی آرتھر ،کے ساتھ اسٹیو رکسن،گرانٹ لوڈن ،اور اظہر محمود لاہور ایک ساتھ آرہے ہیں۔امکان ہے کہ مکی آرتھر پیر کی شام پی سی بی حکام سے ملاقاتیں کریں گے۔ان کی ڈائریکٹر ہارون رشید اور چیف سلیکٹر انضمام الحق سےملاقات میں دیگر کوچز کو ٹریننگ کیمپ میں دی جانے والی ذمے داریوں پر بھی بات چیت ہوگی۔مکی آرتھر کی لاہور آمد سے قبل پی سی بی ہائی پرفارمنس کیمپ میں نوجوان کرکٹرز نے فٹنس اور فیلڈنگ کی مشقیں جاری ہیں۔

لاہور کی قومی کرکٹ اکیڈمی میں ہائی پرفارمنس کیمپ کو شروع ہو ئے تین ہفتوں سے زائد ہو گئے ہیں یہ کیمپ دس ہفتوں پر مشتمل ہے کیمپ میں کوچز نے کھلاڑیوں کو سخت مشقیں کرانا شروع کر دی ہیں تاکہ نوجوان کرکٹرز کو فٹنس اور فیلڈنگ کو بہتر سے بہتر بنایا جا سکے ہلکی پھلکی ایکسرسائز تو کھلاڑی اکیڈمی میں ہی کرتے ہیں لیکن فیلڈنگ اور رننگ کے لئے پنجاب اسٹیڈیم اور ایل سی سی اے گراونڈ استعمال کرتے ہیں سخت مشقوں کے دوران کھلاڑیوں کی محنت اور رسپانس سے کوچز مطمئن ہیں۔

تازہ ترین