نشریات

’’کیا تم میری خبر ٹی وی پر چلاؤ گے؟‘‘
ڈوڈو نے سوالیہ نگاہوں سے میری طرف دیکھا۔
پھر کہنے لگا،
’’مجھے شوکاز نوٹس دیئے بغیر نوکری سے نکال دیا گیا ہے۔
ظلم کیا گیا ہے۔
کیا تم یہ خبر ٹی وی پر چلاؤ گے؟‘‘
میں نے پوچھا،
’’کیا تمہاری کوئی آف شور کمپنی نکل آئی ہے؟‘‘
’’ہائیں؟ کیا مطلب؟‘‘
’’کیا تم نے اپنی بیوی کو طلاق دے دی ہے؟‘‘
’’میں کیوں ایسا کرنے لگا۔‘‘
’’کیا تم نے کسی لڑکی کو گندے میسج کئے ہیں؟‘‘
’’سٹھیا گئے ہو کیا؟‘‘
میں نے سر کھجا کے کہا،
’’اگر نہیں تو تمھاری خبر نشر نہیں ہو سکتی۔‘‘