طالبان کے سپریم لیڈر ہیبت اللّٰہ اخوندزادہ نے تحریری پیغام جاری کیا ہے جس میں تحریک میں دراندازی کے خطرے سے خبردار کیا ہے۔
خبرایجنسی کےمطابق خطرے کی سنگینی کی عکاسی کرتے ہوئے ہیبت اللّٰہ اخوندزادہ نے تحریری عوامی بیان میں کہا کہ طالبان کمانڈرز اپنی صفوں کو صاف کریں۔
انہوں نے مزید کہا کہ تمام سینئرز اپنی صفوں میں حکومت مخالف کام کرنے والوں کو شناخت کریں اور انہیں اپنی صفوں سے جلد از جلد نکالیں۔
ہیبت اللّٰہ اخوندزادہ نے اپنے بیان میں کہا ہے کہ کچھ بھی غلط ہوا اس کے نتائج کے دنیا اور آخر ت میں ذمہ دار تمام سینئرز ہوں گے۔
انہوں نے کہا کہ طالبان یونٹ کمانڈروں کو اپنے ریکروٹس کے ساتھ بیٹھنے کے لیے وقت نکالنا چاہیے۔