بہاولپور کے نیشنل پارک کی جھیل سے فرار ہونے والے 2 مگرمچھ دوبارہ پکڑ لیئے گئے۔
ڈپٹی ڈائریکٹر وائلڈ لائف محمد زاہد کے مطابق بہاولپور کے لال سوہانرا نیشنل پارک کی جھیل میں پانی ڈال کر تجرباتی طور پر وہاں مگرمچھ منتقل کیئے گئے تھے۔
اس جھیل سے 2 ہفتے قبل 2 مگرمچھ اچانک غائب ہو گئے تھے۔
15 دن بعد دونوں مگرمچھ پارک کے احاطے میں ایک خالی نہر میں چھپے ہوئے پائے گئے جنہیں پکڑ لیا گیا ہے۔
وائلڈ لائف کے عملے نے دونوں مگرمچھوں کو واپس جھیل میں منتقل کر دیا ہے۔