سندھ میں رفاہی پلاٹ پرقائم گھریا سرکاری زمین پر بسی آبادی ریگولر کرنے کی اجازت ہونی چاہیے، سعید غنی

November 29, 2021


صوبائی وزیر اطلاعات سعید غنی نے کہا ہے کہ سندھ میں رفاہی پلاٹ پر قائم گھر یا سرکاری زمین پر بسی پرانی آبادی کو ریگولر کرنے کی اجازت ہونی چاہیے۔

پشاور میں پریس کانفرنس کرتے ہوئے انہوں نے کہا کہ جہاں متاثرین کی تعداد لاکھوں میں ہو اور وہ دوبارہ گھر بنانے کی پوزیشن میں نہ ہوں تو حکومت کی ذمہ داری ہے کہ ان کے گھر بچائے۔

سعید غنی نے مزید کہا کہ نسلہ ٹاور والے معاملے میں قانون کے بجائے انسانی ہمدردی سے کام لینا چاہیے، عمران خان کے بنی گالا کےگھر کو بھی تو ریگولر کیا گیا تھا۔