ایک ڈی آئی جی کا 6 روز میں 3 مرتبہ تبادلہ

December 06, 2021

سندھ پولیس میں تقرریاں اور تبادلے مذاق بن گئے، ایک ہی ڈی آئی جی کا چھ روز میں تین مرتبہ تبادلہ کردیا گیا۔

رپورٹس کے مطابق 29 نومبر کو ڈی آئی جی شرجیل کھرل کو حیدرآباد سے سکھر ڈویژن میں تعینات کیا گیا تھا۔

گزشتہ روز شرجیل کھرل کو سکھر سے ایسٹ زون کراچی مقرر کردیا گیا اور اس کے چند ہی گھنٹوں بعد انہیں ایسٹ زون سے ساؤتھ زون کراچی میں تعینات کردیا گیا۔

ذرائع کا کہنا ہے کہ پولیس افسر کے یہ تبادلے مبینہ طور پر من پسند تھے۔