رانا شمیم کا نام پی این آئی ایل پر ڈال دیا ہے، شیخ رشید

December 08, 2021

وفاقی وزیر داخلہ شیخ رشید نے کہا ہے کہ گلگت بلتستان کے سابق چیف جج رانا شمیم کا نام پی این آئی ایل پر ڈال دیا ہے جبکہ ان کا نام ای سی ایل میں ڈالنے کی سفارش کی ہے۔

ایک بیان میں شیخ رشید نے کہا کہ ای سی ایل پر نام ڈالنے کے لیے میٹنگ بلائی جاتی ہے، اب ہمیں نیشنل ایکشن پلان پر زور دینا ہے۔

انہوں نے کہا کہ ملک کو بدنام کرنےوالوں کے خلاف سخت اقدامات کا فیصلہ کیا ہے۔

وفاقی وزیر داخلہ کا یہ بھی کہنا ہے کہ یوم پاکستان کی پریڈ کیلئے جی ٹی روڈ تین چار دن پہلے بند ہوجائے گی، پی ڈی ایم سے درخواست ہے وہ 30 مارچ کو آئیں۔

واضح رہے کہ پی ڈی ایم کے سربراہ مولانا فضل الرحمٰن نے 23 مارچ کو اسلام آباد کی جانب مہنگائی مارچ کرنے کا اعلان کیا ہوا ہے۔