کراچی کی احتساب عدالت نے سابق ایم ڈی پی ایس او کی غیر قانونی تعیناتی سے متعلق ریفرنس کی سماعت آئندہ ماہ 10جنوری 2022ء تک ملتوی کر دی۔
دورانِ سماعت احتساب عدالت کراچی میں سابق وزیرِ اعظم شاہد خاقان عباسی و دیگر ملزمان پیش ہوئے۔
شریک ملزم شیخ عمران الحق کی جانب سے دائر درخواست پر ان کے وکیل نے دلائل دیئے۔
وکیل نے اپنے دلائل میں کہا کہ نیب آرڈیننس میں ترمیم کے بعد احتساب عدالت کو ریفرنس کی سماعت کا اختیار نہیں رہا۔
ملزم شیخ عمران الحق کی درخواست پر فریقین کے دلائل جاری ہیں۔
کراچی کی احتساب عدالت نے ریفرنس کی مزید سماعت 10 جنوری تک ملتوی کر دی۔