کراچی وسطی کے علاقے نارتھ ناظم آباد میں سخی حسن کے قریب ایک زیر زمین سیوریج نالے میں دھماکا ہوا ہے، تاہم کسی جانی یا مالی نقصان کی اطلاع نہیں ملی۔
کراچی ویسٹ زون پولیس آفس کے ڈپٹی سپرنٹنڈنٹ پولیس ایڈمنسٹریشن ناصر بخاری کے مطابق نارتھ ناظم آباد کے شیر شاہ سوری روڈ پر سخی حسن فلائی اوور کے قریب موبائل مارکیٹ کے ساتھ گزرنے والے سیوریج نالے پر دکانداروں نے غیر قانونی طور پر چھتیں ڈال رکھی ہیں۔
جہاں ہفتے کی شام دھماکا ہوا، جس سے نالے کی چھت کا کچھ حصہ اڑ گیا، تاہم اس سے کوئی جانی نقصان نہیں ہوا۔
ناصر بخاری کے مطابق علاقہ پولیس فوری طور پر موقع پر پہنچ گئی اور متعلق شعبے سے جگہ کا معائنہ کروایا۔