سندھ کے ضلع دادو کے علاقے کاچھو سمیت کیرتھر کے پہاڑی علاقوں میں جلدی مرض لیشمینیا کی وبا پھیل گئی ہے۔
دادو کے ان علاقوں میں چند روز میں 1500 افراد بیمار ی میں مبتلا ہوچکے ہیں۔
مریضوں نے وبا کے خاتمے کے لیے ہنگامی بنیادوں پر اسپرے اور طبی سہولتوں کی فراہمی کا مطالبہ کیا ہے۔
ڈسٹرکٹ ہیلتھ آفیسر کا کہنا ہے کہ لیشمینیا ایک مخصوص مکھی سینڈ فلائی کے کاٹنے سے پھیل رہا ہے۔
حکام کے مطابق سینڈفلائی نامی مکھی پاک افغان سرحدی علاقوں سے دیگر علاقوں میں پھیل رہی ہے۔
حکام کے مطابق مکھی کے کاٹنے سے جلد پر خارش اور زخم ہوجاتے ہیں، جس سے مریض کو شدید تکلیف کا سامنا کرنا پڑتا ہے۔