سینیٹر فیصل جاوید کا کہنا ہے کہ اپوزیشن کل کی بجائے آج ہی عدم اعتماد لے آئے، ہمارے اتحادیوں نے ہر میدان میں ثابت کیا کہ وہ ہمارے ساتھ ہیں۔
فیصل جاوید نے اپنے ایک بیان میں کہا کہ کرپٹ مافیا این آر او حاصل کرنے کے لئے اکٹھا ہوا ہے، یہ چاہتے ہیں ان کے کیسز معاف کر دیئے جائیں، یہ این آر او مانگ رہے ہیں۔
پی ٹی آئی سینیٹر نے کہا کہ اپوزیشن والے ہر محاذ پر ناکام ہوچکے ہیں،یہ سب اکٹھے رہتے ہیں، ہمیں ان کے اکٹھے رہنے سے فائدہ ہوتا ہے۔
سینیٹر فیصل جاوید کاکہنا تھا کہ اپوزیشن جب بھی میدان میں آئی ہے ان کو ناکامی ہوئی ہے، سینیٹ میں ناکامی کا سامنا کرنا پڑا، ڈی آئی خان میں پی ڈی ایم کو بری طرح شکست کا سامنا کرنا پڑا۔