پاکستان تحریکِ ا نصاف (پی ٹی آئی) کے سینیٹر فیصل جاوید کا کہنا ہے کہ (کل) ہفتے کو وزیرِاعظم عمران خان اہم پیغام دیں گے۔
یہ بات پاکستان تحریکِ ا نصاف (پی ٹی آئی) کے سینیٹر فیصل جاوید کی جانب سے سماجی رابطے کی ویب سائٹ ٹوئٹر پر شیئر کی گئی ہے۔
دوسری جانب تحریکِ عدم اعتماد کے خلاف حکومت کی جانب سے حکمتِ عملی کی تیاری جاری ہے۔
اس حوالے سے وزیرِ اعظم عمران خان کی زیرِصدارت سیاسی کمیٹی کے اجلاس میں مشاورت کی گئی۔
اجلاس میں ووٹنگ میں پی ٹی آئی ارکان کی موجودگی سے متعلق فہرست کی بھی تیاری کی گئی۔
سیاسی کمیٹی کے اجلاس میں سیاسی صورتِ حال اور دھمکی آمیز خط پر بھی گفتگو کی گئی۔
وزیراعظم عمران خان نے قانونی ٹیم کا اہم اجلاس بھی طلب کر لیاجس میں اٹارنی جنرل، اسپیکر، بابر اعوان اور شاہ محمود قریشی شریک ہوں گے۔
قانونی ٹیم وزیرِاعظم عمران خان کو اجلاس میں بریفنگ دے گی۔