آزاد کشمیر کے ضلع کوٹلی کی تحصیل نکیال کے گاؤں ڈھنگالی میں 22 سالہ نوجوان کو مبینہ طور پر جلا کر قتل کر دیا گیا۔
پولیس کا کہنا ہے کہ نوجوان کی منگیتر نے بہن کے ساتھ مل کر مبینہ طور پر آگ لگا دی، زخمی حسنین نے اسپتال میں دم توڑنے سے قبل بیان ریکارڈ کرایا تھا۔
مقتول کے والد نے پولیس کو بیان دیا ہے کہ حسنین نے فون کیا ہے کہ اسے مارا پیٹا گیا ہے۔
لڑکی کی والدہ کا کہنا ہے کہ حسنین نے اپنے آپ کو خود آگ لگائی، میری بچیاں بے گناہ ہیں۔
لڑکی کی والدہ کا یہ بھی کہنا ہے کہ حسنین بیٹی کو راولپنڈی لے جانے کی ضد کر رہا تھا، جس کے باعث تلخی ہوئی۔
پولیس کا کہنا ہے کہ واقعے کی تفتیش کر رہے ہیں، لڑکیوں کی گرفتاری کے بعد حقائق سامنے آئیں گے۔