ہالی ووڈ کی شہرت یافتہ اداکارہ اور اقوام متحدہ کےادارہ برائے مہاجرین کی نمائندہ خصوصی انجلینا جولی ہفتے کو جنگ زدہ ملک یوکرین کے دورے پر پہنچیں۔
اس حوالے سے انکی یوکرین کے شہر لوویو میں ایک کافی شاپ میں کافی آرڈر کرتے ہوئے ویڈیو وائرل ہوئی ہے۔
واضح رہے کہ ان کے اس دورے کا مقصد جنگ سے متاثرہ یوکرینی مہاجرین سے ملاقات کرنا اور ان مہاجرین کی دیکھ بھال کرنے والوں سے اظہارِ تشکر کرنا ہے۔
انجلینا اس موقع پر یوکرینی بچوں سے کھیلتے اور انہیں بہلاتی بھی نظر آئیں۔
انجلینا کے جنگ زدہ ملک کا اچانک دورہ کرنے پر دنیا بھر میں موجود ان کے پرستار کافی خوش اور انکے اس اقدام سے متاثر ہیں۔