کراچی کے علاقے ماڑی پور میں سی ٹی ڈی اور قانون نافذ کرنے والے اداروں کی کارروائی کے دوران ہلاک دہشتگرد نے صدر دھماکے میں بارودی مواد سے لیس سائیکل کھڑی کی تھی۔
فورسز کی کارروائی کے دوران مارے گئے دہشتگرد اللّٰہ ڈنو کو صدر دھماکے کی سی سی ٹی وی فوٹیجز سے بھی شناخت کرلیا گیا ہے۔
اللّٰہ ڈنو ہی بارود سے بھری سائیکل صدر لایا تھا اور ریموٹ سے دھماکا کیا۔
ذرائع سی ٹی ڈی کے مطابق کالعدم ایس آر اے کے دہشت گرد اللّٰہ ڈنو اور نواب کا تعلق تھرپارکر سے ہے، اللّٰہ ڈنو کو ریموٹ کنٹرول سے دھماکا کرنے والی فوٹیج میں شناخت کیا گیا۔
ذرائع کے مطابق ملزم اپنے ایک ساتھی کے ہمراہ آج دہشتگردی کی کارروائی کی تیاری کررہا تھا۔
ذرائع سی ٹی ڈی کے مطابق حساس ادارے کی ٹیم نے سی ٹی ڈی کے ہمراہ ملزمان کو گرفتار کرنا چاہا تو مقابلہ ہوگیا۔