ایران کے شہر آبدان میں 10 منزلہ عمارت گرنے کے حادثے کی تحقیقات میں شہر کے میئر سمیت 10 افراد کو گرفتار کر لیا گیا۔
عدالتی پراسیکیوٹر کے مطابق حادثے میں ملوث اہم کرداروں کو گرفتار کیا گیا ہے، گرفتار افراد میں میئر، سابق میئر اور میونسپلٹی کے ملازمین شامل ہیں۔
گذشتہ روز 10 منزلہ رہائشی اور کمرشل عمارت گرنے کے حادثے میں 11 افراد ہلاک ہوئے تھے۔
بتایا جاتا ہے کہ عمارت کے ملبے تلے اسی میں سے 30 افراد کو نکال لیا گیا، باقی 50 افراد کو ملبے تلے سے نکالنے کے لیے امدادی کام جاری ہے۔